Friday, June 17, 2011

Intel සමාගමේ වැඩ පාන අසල්වැසි ඉන්දියානුවා - Ajay Bhatt | අජේ බාත්

     අප වර්තමානයේ භාවිතා කරන පරිගණකය, නැතහොත් පරිගණක තාක්ෂණය යනු එක් පුද්ගලයෙක් හෝ එක් සමාගමක් මගින් දියුණු කරන ලද දෙයක් නොවේ. පරිගණකය අද පවතින තත්ත්වයට දියුණු කිරීම සඳහා ශ්‍රමයෙන් මෙන්ම සිය නුවණින් ද බොහෝ දෙනෙක් දායක වී ඇත. පරිගණක තාක්ෂණය වැඩි දියුණු කිරීම සඳහා සිය දායකත්වය සපයමින් පරිගණක ක්ෂේත්‍රය තුල වැදගත් මෙන්ම විප්ලවීය සොයාගැනීම් කිහිපයකම අයිතිකරු වූ එවැනි සුවිශේෂී පුද්ගලයෙක් පිළිබඳවයි මේ සටහන...


පරිගණකය හා බාහිර උපාංග ඈඳීමේ දී වර්තමානයේ බහුලවම භාවිතා කරන ජනප්‍රියම ක්‍රමවේදය නම් USB තාක්ෂණයයි. ඕනෑම බාහිර උපාංගයක් පරිගණකය සමග සම්බන්ධ කිරීමේදී සම්මතය ලෙස යොදා ගන්නේ USB තාක්ෂණයයි. මේ ආශ්චර්යය ජනක තාක්ෂණික ක්‍රමවේදය සොයාගැනීම සඳහා සිය කාලය, ශ්‍රමය වැය කරමින් මේ තාක්ෂණය ලොවට දායාද කල මහා විද්‍යාඥයා නම් USB තාක්ෂණයේ පියා ලෙස හැඳින්වෙන අජේ බාත් නම් අපේ අසල්වැසි ඉන්දියානු පරිගණක ඉංජිනේරුවරයායි.

     අජේ බාත් උපතින් ඉන්දියන් ජාතිකයෙකි. දැනට ඇමරිකාවේ ඔරිගන් ප්‍රාන්තයේ පදිංචි ඔහු වෘත්තියෙන් ලෝ ප්‍රසිද්ධ Intel සමාගමේ සේවාග්‍රාහක නිර්මාණ සැලසුම් (Client Platform architecture) අංශයේ ප්‍රධානියා ලෙස සේවය කරයි. ඉන්දියාවේ බැරෝඩා හි මහාරාජා සයාජිරාවෝ විශ්ව විද්‍යාලයෙන් සිය මූලික උපාධිය ලබා ඇමරිකාවේ නිව්යෝක් නගර විශ්වවිද්‍යාලයෙන් සිය විශේෂඥ උපාධිය සම්පූර්ණ කල අජේ බාත්, ඉන්ටෙල් ආයතනය හා සම්බන්ධ වූයේ 1990 දීයි. චිප්සෙට් නිර්මාණ සැලසුම් කණ්ඩායමේ ජේ්‍යෂ්ඨ සැලසුම් ශිල්පියෙක් ලෙස සිය වෘත්තිය ජීවිතය ආරම්භ කළ ඔහු එතැන් පටන් නොයෙකුත් සොයා ගැනීම් රැසකටම සිය දායකත්වය සපයා තිබේ.

 
     මව් පුවරුව (Mother Board) හා සම්බන්ධිත දත්ත හුවමාරු තාක්ෂණයන් කිහිපයකම හිමිකාරීත්වය අජේ බාත් සතුවේ. USB තාක්ෂණය හැරුනු විට AGP (Accelerated Graphics Port), PCI Express යන තාක්ෂණයන් ද ඇතුළුව බල කළමණාකරණ හා චිප්සෙට් වැඩිදියුණු කිරීම් රැසක්ම ඔහුගේ විස්කම් නිර්මාණයන් වේ. විවිධ තාක්ෂණික නිර්මාණ සඳහා අදාල පේටන්ට් බලපත්‍ර 9 ක් ඔහු සතු අතර තවත් පේටන්ට් බලපත්‍ර 3 ක් අනුමැතිය සඳහා ඉදිරිපත් කර තිබේ. 1998, 2003 හා 2004 යන වර්ෂයන්හි ඇමරිකාවේ හා ආසියාවේ විශේෂ විශ්ව විද්‍යාලයන් කිහිපයකම පැවැත්වූ විශ්ෂ්ඨ දේශණ මාලාවකට ද අජේ බාත් නම් කෙරිණි. PCI Express තාක්ෂණය වෙනුවෙන් 2002 දී ඔහු Achievement in Excellence යන සම්මානයෙන් ද පිදුම් ලැබීය. අනාගත මව්පුවරු හා චිප්සෙට් සඳහා වන ආදාන / ප්‍රතිදාන උපක්‍රම පිළිබඳ සැලසුම් කිරීම හා එම තාක්ෂණයන් වැඩි දියුණු කිරීම මේ වන විට ඔහුගේ ප්‍රධාන රාජකාරිය බවට පත්ව තිබේ...



අන්තර්ජාලය ඇසුරින් සකස් කලේ - චතුරංග පෙරේරා
රූ පරිගණක සඟරාව - 2011 අප්‍රේල් කලාපය
මෙහි ඇතුළත් කර ඇති සියළුම ඡායාරූප Google Image Search ඔස්සේ ලබාගත් ඒවා වන අතර එහි අයිතිය මුල් හිමිකරුවන් සතුවේ.




Posted by චතුරංග පෙරේරා [චතූගේ කථා] at 8:19 PM
Labels: , ,

8 comments:

  1. බුවාගේ සිතුවිලි ! | Buwage Sithuvili !June 17, 2011 at 10:02 PM

    නියම වැඩ්ඩෙක් .... චතුගෙන් තමයි මුලින්ම දැනගත්තේ

    ReplyDelete
  2. චතුරංග පෙරේරා [චතූගේ කථා]June 17, 2011 at 10:10 PM

    එළ බුවා !!! ඔව් මචං... රියල් වැඩ්ඩෙක්... හැබැයි එළියට පේන්න එන්නේ නෑ. හරිම ලැජ්ජාකාරයෙක්. විකිපීඩියා එකෙයි, ඉන්ටෙල් සයිට් එකෙයි විතරයි තොරතුරු තිබුනේ. වැඩි විස්තරයක් නෑ.

    ReplyDelete
  3. DineshJune 18, 2011 at 1:59 AM

    නියම වැඩ කාරයේක්.. මොනව උනත් ආසියානුවෙක්නේ..

    ReplyDelete
  4. පන්සල් හංදියJune 18, 2011 at 1:25 PM

    ජය වේවා .........
    ආසියාවට තවත් සම්පතක් ........

    ReplyDelete
  5. gayanJune 18, 2011 at 3:17 PM

    එල පොරක් තමයි ඉතින්.

    ReplyDelete
  6. චතුරංග පෙරේරා [චතූගේ කථා]June 21, 2011 at 11:10 PM

    @ Dinesh : හ්ම්...ම්... වැඩකාරයෝ වැඩ විතරයි. සද්ද නෑ!

    @ පන්සල් හංදිය : ඔය වගේ තව දහ දොලොස් දෙනෙක් හොයා ගන්න පුළුවන් ඔය ප්‍රසිද්ධ, ජනප්‍රිය සොෆ්ට්වෙයා වල startup Flash Screen එකක් දෙකක් බැලුවනම්. බොරු නම් බලන්න PhotoShop open වෙනකොට එක නිල් පාට තිරයේ ඉන්දියන් නම් කීයක් තියෙනවද කියලා.

    @ gayan : එළ තමයි සහෝ... ස්තුතියි මේ ප්‍රතිචාරයට !

    ReplyDelete
  7. බැට් මෑන්October 25, 2011 at 1:56 AM

    එල එල පට්ට වැඩ්ඩෙක් .ඊලගට බිහි වෙන්නෙ ඔය වගේ වැඩ්ඩෙක් ලංකාවෙන් තමා.. :P :P :P

    ReplyDelete
  8. Sanjeewa Kanchana ParanahewageAugust 21, 2012 at 8:05 PM

    නොදන්න තොරතුරු ටිකක්.ස්තූතියි.

    ReplyDelete

මෙච්චර වෙලා කියවපු එකේ ඔය හිතට එන මොනවා හරි ලියලා යන්න. සිංහලෙන් බැරි නම් සිංglish වලින් හරි English වලින් හරි කමක් නෑ. මොනවා හරි කොටලා යන්න. ඔයාලගේ අදහස් මට ගොඩක් වටිනවා...