වෙනිසියුලාවට ආවේනික මේ පාරදෘෂ්ය ගෙඹි විශේෂය
ස්වභාවධර්මයේ විස්මිත නිර්මාණයක්. වීදුරු ගෙම්බා (Galss Frog) ලෙස හැඳින්වෙන මේ උභයජීවියා සෙන්ට්රොලිනීඩේ කුලයට අයත්
වෙනවා. සාමාන්යයෙන් මේ වීදුරු ගෙම්බන්ගේ ස්වභාවික වර්ණය ලෙමන් පැහැ වූවත්, සමහර ගෙම්බන්ගේ උදර චර්මය පාරදෘෂ්ය
ආකාරයෙන් පිහිටනවා. මේ නිසා ගෙම්බාගේ ශරීරය තුල පිහිටි හෘදය, අක්මාව හා ආහාර මාර්ගය වැනි අවයව සම
තුලින් පැහැදිලිව දර්ශණය කළ හැකියි.
Monday, December 26, 2011
Monday, December 19, 2011
- ලෝකේ ලොකුම දේවල් දැකලා තියෙනවා ද ??? -
ලෝකේ ලොකුම පොත
පොතක් කිව්වට මේක නම් මාගලක් තරමට ලොකු
පොතක්... මෙතෙක් ලොව ප්රකාශයට පත් කළ ලොකුම පොත ලෙස වාර්තා අතරට එක්වන මේ පොතේ
කතෘ හා ප්රකාශක වන්නේ ඇමරිකාවේ මැසචුසෙට්ස් තාක්ෂණ ආයතනයේ Michael
Hawley නම් විද්යාඥයා. රාත්තල් 133 ක් බරැති මේ පොතේ ප්රමාණය අඩි 5 X 7 ක්. එහි පිටු 112 ක් ඇතුලත්. මේ පොත
මුද්රණය සදහා තීන්ත ගැලූම් ගණනක් වැයවී ඇති අතර
රුපියල් ලක්ෂ දෙකකට වැඩි වියදමක් මේ පොත ප්රකාශණය කිරීම සඳහා වැයවී තිබේ. භූතානය පිළිබඳ ඡායාරූප ඇතුලත් මේ පොත නම් කර ඇත්තේ “Bhutan:
A Visual Odyssey Across the Kingdom” ලෙසයි.
Labels:
අරුම පුදුම නිර්මාණ,
රූප කථා
Thursday, December 8, 2011
ලංකාවේ ලස්සන බලන්න එන්න...
ඉතින්...! කෝමැයි ? හුඟ දොහකින් මේ ලිපියක් ලියන්නේ. ඇත්තටම කිව්වොත් සති දෙකකට පස්සේ... සමාවෙන්න ඕනේ නිහඬතාවයට. කොහොම වුනත් ඉක්මනින්ම පුරුදු ලිපි හා එක් වන තුරු පොඩි අතුරුපසක් අරන් ආවා. මුලින්ම කියන්න ඕනේ මේකත් ඊයකින් ගලවපු එකක්. මේවගේ ඊ එවන මගේ යාළු කියල තියෙන්නේ මීට පස්සේ නම දාන්න එපා කියලා. ඕං හිතාගන්නලා මේකත් එයාම එවාපු ඊයකත් කියලා...
Tuesday, November 22, 2011
#C# ...උපන්දින පාටි / තෑගි සහ අධිවේගී (Highway) කථා...
ලියන්න තව දේවල් ගොඩක් තිබුණත් මේ පෝස්ට් එක දාන්නම
කියලා හිතුනා. මොකද තවත් පරක්කු වුනොත් අමතක වෙලා යනවා... අනික කෑමක් වුනත් උණු
උණුවෙන් කන කොටනේ ගති ! පහුගිය සෙනසුරාදා / ඉරිදා දෙකේ වෙච්චි දේවල් ගැන පොඩි සති
අන්ත විමර්ශණයක් තමා මේ ලියවෙන්නේ. හුඟ කාලෙකට පස්සේ ෆුල් ෆන් එකේ ගෙවුනු weekend එකක්. ඒ නිසා ඉතින් මගේ පුද්ගලික දේවල් ගැන මේ
බ්ලොග් එකේ ඒ තරම් ලියැවිලා නැති නිසාත් මට හිතුනා වෙනසකටත් එක්ක පොඩි වල්පල්
පෝස්ට් එකක් දාන්න...
Labels:
ජීවන සටහන්
Monday, November 21, 2011
Outdoor Trailer එකක් සහිත ලංකාවේ පළමු වේදිකා නාට්යය - දොලහක් 12
මේ මාතෘකාව දැක්ක ගමන් වෙනසක් දැනුන ද ? නැත්නම්
ආයෙත් හොඳට කියවලා බලන්න... ඔව් ! සාමාන්යයෙන් පෙරදැකුමක් (Trailer) සකසන්නේ අදාල නිර්මාණයේ අන්තර්ගතය කැටිකොට
දැක්වෙන පරිදි, ප්රේක්ෂකයාට ඒ පිළිබඳව දළ චිත්රයක් ලබා ගත හැකි වන පරිද්දෙන්...
නමුත් මම මේ කියන්නට යන Trailer එක නම් වෙනස් අත්දැකීමක්. වේදිකා නාට්යයක
පෙරදැකුමක් වේදිකාවෙන් පිටත සිට දැක්වෙන ලංකාවේ පළමු වේදිකා නාට්යය මේ තමා...
Labels:
කලා නිර්මාණ,
වේදිකා නාට්ය
Sunday, November 20, 2011
සියවසකට පෙර පුරාණ ලංකාවේ ප්රවාහන ක්රම - පැරණි ඡායා රූ...
අවුරුදු 100 කට කලින් ලංකාව කොහොම තිබුනද කියලා
හිතාගන්න පුළුවන් ද ? ඇත්තෙන්ම අපිට ඒ ඉතිහාසය ගැන ගොඩාක් දේවල් දැනගන්න පුළුවන්
ඡායාරූප වලින්. එක රූපයකින් පුළුවන් වචන සිය ගානක අදහසක් ප්රකාශ කරන්න. මේ පළවෙන
පින්තූර වලින් දැක්වෙන්නේ සියවසකට ඉහතදී ලංකාවේ පැවති විවිධ ප්රවාහන විධි ගැනයි.
ඇත්තටම මට මේ රූ පෙල හමුවුනේ ඊ-ලිපියකින්. ඒ ගැන මම දිනිඳු සොයුරාට ස්තුතිවන්ත
වෙනවා. කියන්න තරම් ලොකු කථාවක් නොවුනත් මේ රූප පෙල ඔයාලටත් ගොඩක් ප්රයෝජනවත්
වේවි කියලා හිතෙනවා. යමුද එහෙනම් නවසිය ගණන් මුලට...
Thursday, November 17, 2011
ලැප්ටොප් පරිගණකය නිවැරදිව භාවිතා කරමු...
නිවැරදිව ඔබේ ලැප්ටොප් පරිගණකය භාවිතා කිරීමෙන්
එහි ආයුකාලය වැඩි වන අතරම එය හොඳ කාර්යක්ෂමතාවයකින් යුතුව ධාවනය වේ. එමෙන්ම
ලැප්ටොප් පරිගණකය හදිසි අනතුරු වලින් ආරක්ෂා කර ගැනීමටද මේ උපදෙස් වැදගත් වේ.
එවැනි අවස්ථාවකදී අළුත්වැඩියා කිරීමකට යෑමට වඩා එයින් ආරක්ෂා වී සිටීම වඩාත්
හිතකරයි. මෙහි සඳහන් උපදෙස් පිළිපැදීමෙන් ඔබේ ලැප්ටොප්
පරිගණකයත් අවම නඩත්තුවකින් යුතුව වැඩි කාලයක් භාවිතා කළ හැකි අතරම සැමවිටම වේගවත්ව
ක්රියාත්මක වේ.
Thursday, November 10, 2011
හෙළ භාෂා පුනරුදයේ මහා නියමුවා - මුනිදාස කුමාරතුංග...
“මෙලොව උපත ලබන ඕනෑම පුද්ගලයෙක් යම් කාලසීමාවක්
ජීවත් වේ. ඉක්බිතිව මියැදේ. මෙසේ උපත ලබන්නා වූ ඇතැම් පුද්ගලයන් මියැදෙන්නේ නැත. ඔවුහු
ඒ ජාතිය පවතින තුරා ජීවත් වෙති. ඒ මහා ප්රාඥයෝයි. ඔවුහු තමන්ගේ නිර්මාණ නිසාම
ජීවත් වෙති...”
මේ පාඨ කිහිපය උපුටා ගත්තේ මා ලඟ තිබෙන “ශික්ෂාවතාරය හා ශික්ෂා මාර්ගය” නම් පුස්තකයේ ආරම්භයේ කුමාරතුංග මුනිදාස නම්
විද්වතානන් පිළිබඳ සඳහන් වන සංඥාපනයෙන්. කුමාරතුංග මුනිදාස මහත්මා ගැන කියන්න
කලින් මම මේ පොත මට ලැබුණු හැටි කියලා ඉන්නම්...
Labels:
ඉතිහාසය,
චරිත කථා,
මුනිදාස කුමාරතුංග,
ශාස්ත්රීය,
සිංහල
Monday, November 7, 2011
අපේ පළමු ප්රසංගය... බෑන්ඩ් ජීවිතේ ඇරඹුම... - බෑන්ඩ් කථා #7
ඔන්න ඉතින් මාස එකහමාරක් විතර අපි දැන් බෑන්ඩ් කථා
අහනවා... අද තමයි මුලින්ම ස්ටේජ් එකකට නගින කතාන්දරේ අහන්නේ... යාළුවෝ ටික එක්කාසු
වෙලා පොඩියට music band එකක් පටන් ගත්ත හැටිත්, ඒක ටික ටික දියුණු කරගෙන
ආපු හැටිත් අපි පහුගිය කොටස් වලදී කියෙව්වා නේ... පහුගිය කොටසෙන් මං කිව්වේ මේ ප්රසංගයට
දවස් නවයක් දිස්සේ එකදිගටම ප්රැක්ට්රිස් කරපු හැටි... ඉතින් එහෙම කට්ට කාගෙන
පුරුදු පුහුණු වෙලා 2002 නොවැම්බර් 29 වැනිදා හා හා පුරා කියලා අපි වේදිකාගත වුනු
පළමු සංගීත ප්රසංගය ගැනයි අද කියන්නේ...
Labels:
ජීවන සටහන්,
බෑන්ඩ් කථා,
සංගීත ජීවිතේ
Wednesday, November 2, 2011
පළමු ප්රසංගයට practice කරපු දින නමයේ මෙහෙයුම... - බෑන්ඩ් කථා #6
පුංචි විරාමෙකට පස්සේ ඔන්න මං ආයෙත් බෑන්ඩ් කථා එක්ක
ආවා. ප්රමාදයට සමාවෙන්න ! හැම මාසෙකම මුලදී කියනවා වගේ මාසෙ අන්තිමට අපි ෆුල්
බිසී...! ඉතින් බ්ලොග් කොටන්න තියා ජාලේ සරන්න වත් ඇහැක් වුනේ නෑ. බෑන්ඩ් කථා
සීරීස් එක දිග වැඩිවෙයි වගේ පේන නිසා ඉතින් මම පුළුවන් තරම් කෙටි කරලා කථාව කියන්න
බලන්නම්. එහෙනම් අද කියන්නේ අපි කඩිමුඩියේ ප්රැක්ටිස් කරලා, සෙට් වෙලා හා හා පුරා
කියලා, හොඳ සවුන්ඩ්ස් එක්ක, ෆුල් බෑන්ඩ් ප්ලේ කරන අපේ පළමු ප්රසංගයට අපි රෙඩි වුන හැටි සහ ඒ ප්රැක්ට්රිස් කටයුතු ගැනයි...
Labels:
ජීවන සටහන්,
බෑන්ඩ් කථා,
සංගීත ජීවිතේ
Wednesday, October 26, 2011
USB LCD මොනිටරයක් සමග තවත් අළුත් ගැජට් ටිකක් බලමුද ?
ඔන්න අද ටිකක් වෙනස් වැඩක් කරන්න හිතුවා... මේ
ලිපියෙන් කියන්නේ පරිගණක හා වැඩ කරද්දී අපිට විශේෂයෙන් උවමනා වෙන පොඩි පොඩි ගැජට්
කීපයක් ගැනයි. මේවා පොඩි උනාට හරිම ප්රයෝජනවත් ! ඉතින්, පුළුවන් හැටියට විස්තරයක්
දාලා තියෙනවා. වැඩිදුර විස්තර ඕනෙ නම් ලින්ක් එකත් තියෙනවා. ඉමේජ් එක උඩ ක්ලික් කරන්නකෝ. කියවලා බලමුකෝ
එහෙනම්...
Sunday, October 23, 2011
Three-piece බෑන්ඩ් එකෙන් Full Band එකට... - බෑන්ඩ් කථා #5
පහුගිය කොටස් එක්ක එකතු වෙලා හිටිය හැමෝටම
ස්තුතියි කියන ගමන් අද කථාව පටන් ගන්නවා එහෙනම්. සංගීත ජීවිතේ ඇරඹුමෙන් සටහන්
වෙලා, පොඩි බෑන්ඩ් එකක් හදාගෙන... ඒකත් එක්ක ටික ටික ඉස්සරහට ආපු හැටි, අළුතින්
ලැබුණු කීබෝඩ් තෑග්ග හා ඒක නිසාම අන්තිමට ගෙදරිනුත් යන්න උනු එක අපි පහුගිය කොටස්
හතරේදී කියෙව්වා නේ. ඉතින් අපි අද කියවමු කොල්ලා ගෙදරින් ගියාට පස්සේ කොහොමද
මියුසික් කලේ කියලා. ඒ වගේම අපි තුන් දෙනාගෙන් පටන්ගත්තු බෑන්ඩ් එක ප්ලේයර්ලා ඔක්කොම සම්පූර්ණ කරගෙන ෆුල් බෑන්ඩ්
එකක් වුනු හැටිත් අද කියන්නම්...
Labels:
ජීවන සටහන්,
බෑන්ඩ් කථා,
සංගීත ජීවිතේ
Saturday, October 22, 2011
ඔයත් කම්පියුටර් ගේම්ස් ගහනවාද ? එහෙනම් මෙන්න කියවන්න...
පරිගණකය ආශ්රයෙන් වීඩියෝ ක්රීඩා කිරීම, තේරෙන
විදියට කිව්වොත් කම්පියුටර් ගේම්ස් කියන්නේ අද කාලයේ බාල, තරුණ, මහලූ හැම දෙනාගේම විනෝදාංශයක්. සමහරුන් නම්
විනෝදාංශයකටත් එහා ගිය ඇබ්බැහියක්. ඒ තරමටම වීඩියෝ ක්රීඩා වලට ඇදී බැඳී ගිහින්.
වීඩියෝ ක්රීඩා හින්දා අන්තර් පුද්ගල සම්බන්ධතා බිඳවැටීම... ඒ කියන්නේ වටේ පිටේ මිනිස්සු එක්ක
ගනුදෙනු අඩු කරලා පරිගණක ක්රීඩාව ඇතුලෙම ජීවත් වෙන එක ලොකු සමාජ ප්රශ්ණයක් ! මේ
ඇබ්බැහිය නිසා ඔය වගේ සෘණාත්මක ලක්ෂණ ඇති වෙනවා කියලා විද්යාඥයෝ විසින් කාලයක ඉඳන්ම
නිරීක්ෂණය කරලා තිබුණා.
Labels:
පරිගණක ක්රීඩා,
විද්යාත්මක,
සමාජයීය,
සංවාද
Thursday, October 20, 2011
Band නිසා, Music නිසා ජීවිතේම වෙනස් කරගත්ත කථාව - බෑන්ඩ් කථා #4
බෑන්ඩ් කථා එක්ක එකතුවෙලා ඉන්න ඔයගොල්ලෝ හැමෝම දැන්
බැන බැන බලන් ඉන්නවා ඇති නේද ඊළඟ කොටස එනකල්...? ඉක්මනට ඉවර කරලා දාන්න හිතේ තියන්
හිටියත්, මොකක් හරි වැඩක් සෙට් වෙලා බ්ලොග් එකේ වැඩ මිස් වෙනවා... මොනවා කරන්නද ?
වැඩ කරන්න තියෙන්නේ සීමිත කාලයක් නොවැ. ඉතින් පහුගිය කොටස් තුනෙන්ම මම
කිව්වේ අපි තුන් දෙනාගේ පුංචි බෑන්ඩ් එක ගැනනේ... ඉතින් ඔය බෑන්ඩ් කෙරුවාව නිසා
මගේ ජීවිතේ සිදුවුනු අමතක නොවෙන සිදුවීම තමයි අද කියන්න යන්නේ. එහෙනම් එන්නකෝ යන්න
ආයෙත් බෑන්ඩ් කථා පැත්තේ...
Labels:
ජීවන සටහන්,
බෑන්ඩ් කථා,
සංගීත ජීවිතේ
Tuesday, October 18, 2011
ලංකා වැසියෙක් නම් අනිවාර්යයෙන් කියවන්න... (උපුටා ගැනීමකි)
මේ එක්තරා
කනගාටුදායක සිද්ධියකි. අපේ රටට වරක් පැමිණි සංචාරකයන් නැවත අපේ රටට පැමිණෙන්නේ
නැත. මට හමුවූ ජර්මන්, ස්විට්සර්ලන්ත
හා විශේෂයෙන්ම ඇමරිකානු ජාතිකයන් සෑම කෙනෙක්ම කීවේ ශ්රී ලංකාවට නැවත නොයන බවයි.
අපේ රටේ නොයන කාරණා තුනක් ඔවුන් සඳහන් කරනවා. ඉන් වැඩිම කොටසක් ප්රධානම වශයෙන්
සඳහන් කරන්නේ අපේ ටේ අමන රියෑදුරන් සම්බන්ධවයි. මේ කණගාටුදායක අසුබ ආරංචිය මට මගේ
රට ගැන විශාල දුකක් ඇති කළා. මේ සිදුවීමෙන් පසු මට මගේ මව් බිම වෙනුවෙන් මේ
සම්බන්ධව යම්කිසි දෙයක් ඉටු කළ යුතු බව හැඟී ගියා.
Sunday, October 16, 2011
පිළිකාවට කථා කරන ජංගම දුරකථනය
මනුෂ්ය ලෝකයේ දියුණුවත් සමගම අත්වැල් බැඳ ගනිමින් නොයෙකුත් ව්යසනයන් හා රෝග කාරකද පෙරට
වඩා හිස ඔසවන ආකාරය මෑත ඉතිහාසය තුල දක්නට ලැබුණු කරුණකි. බෝවන රෝගයන් බොහෝ දුරට
තුරන් කර හෝ පාලනය කර ඇතත්,
බෝ
නොවන රෝග වල ව්යාප්තිය පසුගිය දශක දෙක තුනක කාලය ඇතුළත සීඝ්රයෙන් ඉහළ ගොස් තිබේ.
මේ අතරින් පිළිකා වලට හිමි වන්නේ ප්රධාන ස්ථානයකි. නූතන වෛද්ය විද්යාව කෙතරම්
දියුණු වූවත් පිළිකා ඇතිවන්නේ කෙසේද යන්න හෝ පිළිකා සඳහා නිශ්චිත ප්රතිකාර ක්රමයක්
හෝ තවමත් සාර්ථකව ඉදිරිපත් කිරීමට නොහැකිව පවතී. ලොව පුරා සිදුවන මරණයන්ගෙන් 15% ක් පමණ සිදුවන්නේ පිළිකාවන් හේතුවෙනි.
පාරජම්බුල කිරණ හා වෙනත් විකිරණයන්ට නිරාවරණය වීම, ඇස්බැස්ටෝස් / ආසනික් / දුම්වැටි වැනි පිළිකා
කාරක ද්රව්යයන් හා පරපෝෂිත ජීවී සෛල පිළිකාවන් සඳහා මූලික හේතු සාධක ලෙස දක්වා තිබේ.
Labels:
විද්යාත්මක,
සමාජයීය
Saturday, October 15, 2011
ඔබේ පරිගණකයේත් තිබිය යුතු හොඳම ආරක්ෂණ මෘදුකාංග 10 ක්
පරිගණකයක් භාවිතා කරන අප සැමගේම ලොකුම හිසරදය
නම් පරිගණකයට වින කරන හානිකර පරිගණක වැඩසටහන් වලින් ගැලවීමයි. මේවා malware, viruses, key loggers හා worms ආදී ආකාරවලින් අපේ පරිගණකයට පැමිණේ.
දිනෙන් දිනම නවතාවයට ලක්වෙමින් දහස් ගණනින් පරිගණක ලෝකයට එකතුවන මේ තර්ජනයට මුහුණ
දීමට නම් අපේ පරිගණකයත් හොඳම තත්ත්වයේ ආරක්ෂණ මෘදුකාංගයන්ගෙන් සන්නද්ධ කළ
යුතු වෙයි.
Wednesday, October 12, 2011
සංගීත ජීවිතේ පළමු පරිච්ඡේදය අවසානයි... - බෑන්ඩ් කථා #3
අපි
බෑන්ඩ් පටන් ගත්තු හැටිත්... බෑන්ඩ් එක කරගෙන ආපු හැටිත් පහුගිය කොටස් දෙකෙන් කියෙව්වා නේද ? අද කියන්න යන්නේ ඔය ආරම්භක
පරිච්ඡේදයේ අවසන් කොටස කිව්වොත් හරි... O/L exam එක හොඳින් ගොඩ දාගත්ත නිසා මට
ලැබුණු තෑග්ග, A/L කාලයේ සංගීත ජීවිතේ ගෙවුනු හැටි වගේම සංගීත ජීවිතෙත්, පුද්ගලික ජීවිතෙත්
පිටුවක් පෙරලපු විප්ලවකාරී බෙලි ගහ යට සාජ්ජය ගැනත් අද අපි කියවමු...
Labels:
ජීවන සටහන්,
බෑන්ඩ් කථා,
සංගීත ජීවිතේ
Saturday, October 8, 2011
Music Band එකේ මුල් දවස්... - බෑන්ඩ් කථා #2
බෑන්ඩ් කියන්නේ මොනවද කියලා වත් දන්නේ නැතුව අටව
ගත්ත අපේ ටකරන් බෑන්ඩ් එක ගැන ගිය සතියේ කිව්වනේ... බැලුවේ නැද්ද ඒක ? එහෙනම් මෙහෙන් ගිහින් ඉක්මනට බලලා ආයෙත් එන්නකෝ. අද කියන්නේ ඒ කථාවේම ඉතුරු ටික... ඒ කියන්නේ අපේ
3 Piece බෑන්ඩ් එකේ ඉදිරිය හා සිදුවුන රසබර සිද්ධි ගැන
තමයි. හොඳයි ළමා...යි ! බහිමු නේද ස්ටෝරියට !!!
Labels:
ජීවන සටහන්,
බෑන්ඩ් කථා,
සංගීත ජීවිතේ
Saturday, October 1, 2011
Google Power - ගූගල් සමාගමෙන් අළුත් ව්යාපෘතියක්
Google සමාගම දිනෙන් දින අළුත් ක්ෂේත්රයන්
කරා එළඹෙන බව ඔවුන්ගේ කෙටි කාලීන ඉතිහාසය තුල හොඳින් පෙනී යන කරුණක්. හොඳම උදාහරණය
පසුගිය මාසයේ සිදුවූ මොටෝරෝලා ජංගම දුරකතන සමාගමේ ගනුදෙනුව. මේ ලිපියෙන්
ඉදිරිපත් කරන ව්යාපෘතියත් ඊට කදිම උදාහරණයක්. මෙතෙක් කලක් පරිගණක ක්ෂේත්රෙයේ
කිසිවෙක් අතනොගැසූ දැවැන්ත ව්යාපෘතියක් වන මෙය සමබන්ධව ඇත්තේ බලශක්ති ක්ෂේත්රය
වෙතයි. මේ Google සමාගමේ සූර්ය කුළුණු බලශක්ති ව්යාපෘතිය
ගැනයි...
Labels:
අන්තර්ජාලය,
අරුම පුදුම නිර්මාණ,
තාක්ෂණික,
විද්යාත්මක
Friday, September 30, 2011
Wireless Hard Disk - රැහැන් රහිත හාඩ් ඩිස්කයක්
ඩිජිටල් ලෝකයේ නව ප්රවනතාවයන් සමග දත්ත භාවිතාවේ
ද වෙනස්කම් ඇතිවී තිබේ. පුද්ගල පරිගණකයේ පද්ධති ඒකකයට සවි වී තිබුණු හාඩ් ඩිස්කය, ලැප්ටොප් පරිගණකයත් සමග ඇවිදින්නට
හුරුවිය. ඒ කලින්ට වඩා කුඩා, සැහැල්ලූ මෙන්ම කම්පනයන්ට ඔරොත්තු දිය හැකි ලෙස අනුවර්තය වෙමිනි.
දැන් ඒ යුගයත් නිමා කරමින් ටැබ්ලට් පරිගණක සමග ඉදිරියට යන්නට සම්ප්රදායික හාඩ්
ඩිස්කයට නව මං සෙවීමට සිදුවී තිබේ.
Wednesday, September 28, 2011
සුවිශේෂී මතකයන් සහිත ඓතිහාසික ඡායාරූප කිහිපයක්...
අපේ ජීවිත කාලය තුළ සිදුවන හැම දෙයක්ම, අපි ගැන
වගේම - රටේ ලෝකේ වෙන හැම දෙයක්මත් අපිට මතක තියාගන්න අමාරුයි නේද ? ඒත් ඡායාරූපයකට
පුළුවන් ඒ මතකය අළුත් කරන්න. ඒක තමයි ඡායාරූප වල තියෙන හොඳකම... කොච්චර පරණ
දෙයක් වුනත් ඡායාරූපය ඔස්සේ අතීතයට යන්න අපිට පුළුවන්... සමහර ඓතිහාසික ඡායාරූප
තියෙනවා හරිම දුර්ලභ ඒවා. අපේ ජීවිත කාලයටත් කලින් සිදුවුනු දෙයක් වුනත් ඡායාරූප
ඇසුරෙන් අපිට දකින්න පුළුවන්... ඉතින් මෙච්චර හෑල්ලක් කියෙව්වේ ලියන්නත් මොනවා හරි
තියෙන්න ඕනේ නිසා... මොකද මේ පෝස්ට් එක අකුරු පෝස්ට් එකක් නෙවේ, රූප කථාවක්...
එහෙනම් බලන්නකෝ මේ සුවිශේෂී ඡායාරූප කිහිපය කොච්චර වැදගත් ද කියලා...
Friday, September 23, 2011
චතූගේ Band කථා #01 - Music ජීවිතේ පටන් ගත්ත හැටි...
මහ ලොකුවට ‘චතූගේ කථා’ කියලා නම දාගත්තට මොකද... කථා නම්
ලියන්න වුනේ දෙක තුනයි. රස කථා දෙක තුනකුයි, බණ කථා ටිකකුයි ලිව්වා තමයි. ඒ වුනාට
දැන් තමයි නියම කථාවක් කියන්න යන්නේ... සංගීත කණ්ඩායම් එක්ක කටයුතු කරද්දී සිදුවුනු රසබර සිද්ධි වගේම මගේ සංගීත ජීවිතේ මතකයනුත් ඔයාලත් එක්ක බෙදාගන්න තමයි මේ සූදානම... එහෙනම්, මෙන්න චතූගේ බෑන්ඩ් කථා...
Labels:
ජීවන සටහන්,
බෑන්ඩ් කථා,
සංගීත ජීවිතේ
Thursday, September 15, 2011
මිනිස් ඇසට හසු නොවන අති දුර්ලභ සත්ත්ව විශේෂ කීපයක්...
මිහිමත ජීවත් වන සත්ත්ව විශේෂ අතරින් බොහෝමයක් දුටු
මතින්ම අපිට හඳුනා ගන්නට පුළුවන්. පුරුදු - නොපුරුදු ඒ
සියළුම සතුන් අතරිනුත් ඔබ කවරදාවත් අසා නැති, දැක නැති අති දුර්ලභ සතුන් කිහිපදෙනෙක් ගැන හඳුන්වා දෙන්නයි මේ සූදානම. රතු දත්ත පොතට අනුව මේ
දුර්ලභ සත්ත්ව විශේෂයන් ගෙන් මුළු ලෝකය පුරා ගත්තත් ඉතිරිව ඇත්තේ ඉතාමත් සුළු සංඛ්යාවක්
පමණයි. මේ සතුන් දුර්ලභ හා නිතර දකින්නට නොලැඛෙන හේතුව නම් ඔවුන් ඉතා සීඝ්රයෙන් වඳවී යෑමේ අවධානමට ලක්වී තිබීමයි. ඉතින් බලන්නකෝ
මේ සත්ත්ව විශේෂයන් ඔයාලත් දන්නවද ? දැකලා අහලා තියෙනවද කියලා...
Labels:
ගවේෂණ,
රූප කථා,
විද්යාත්මක,
සත්ත්ව ලෝකය,
සමාජයීය
Wednesday, September 7, 2011
මුහුදු මැද ඔහේ පාවෙන අධි-තාක්ෂණික හෝටලයක්...
ලෝකය පුරාම දක්නට ලැඛෙන නොයෙකුත් ආකාරයේ හෝටල්
අතරින් සුවිශේෂී ආකාරයට නිර්මාණය කරන ලද හෝටල් ගොඩනැඟිලි අප හට අරුමයක් නොවේ. ගොඩබිම මත මෙන්ම මුහුද
මැද දූපත් වලත්, එතැනින් නොනැවතී දැවැන්ත නෞකාවන් තුලත්
අපූර්ව ආකාරයේ හෝටල් ඉදිවී තිබේ. නමුත් මේ සියළු නිර්මාණ සංකල්පයන් අභිබවා යන
විප්ලවීය හෝටල් සැලැස්මක් ගැනයි මේ දිග හැරෙන්නේ...
Labels:
අරුම පුදුම නිර්මාණ,
තාක්ෂණික,
විද්යාත්මක
Saturday, September 3, 2011
එකම මවුසය තුන් විදියකට භාවිතා කරන්න කැමතිද ?
මේ මම මගේ බ්ලොග් එකේ මවුස් ගැන පළ කරන තුන්වැනි ලිපිය...! මේක චතූගේ මවුස් කථා කියලා register වෙයිද දන්නෑ... :P කොහොම වුනත් මීට පෙර පළවුනු මවුස් ලිපි වගේම මේ මවුස් ලිපියත් විශේෂ මවුස් එකක් ගැන තමයි. සාම්ප්රදායික මවුස් මෝස්තරයෙන් මිදිලා අළුත් අළුත් සංකල්ප ඔස්සේ යමින් විශේෂ ආකාරයේ පරිගණක උපාංග නිර්මාණය කරන්නට නිෂ්පාදක සමාගම් උත්සාහ කරන බවට පසුගිය ලිපි දෙක වගේම මේ ලිපියත් හොඳ සාක්ෂියක්...
Wednesday, August 31, 2011
Dual Core හීනය මතින් ‘චතූගේ කථා‘ වෙත නැවත පැමිණියෙමි...
ආයුබෝවන් හැමෝටම... ඔන්න මම ආයෙත්
ආවා... සති හතරකට පස්සේ තමයි මේ පෝස්ට් එකක් දාන්නේ. මෙච්චර දවසක් මුකුත්ම පළ
නොකළාට සමාවෙන්න. ඇත්තටම කිව්වොත් මාසේ මුල සතියේ ඉඳලාම පෝස්ට් එකක් දාන්න තරම්
තත්ත්වයක් තිබුනේ නෑ. මමයි නෝනියි අප්රේල් මාසේ මැද වගේ අළුත් නවාතැනකට ආව බව
කලින් කිව්වා මතක ඇතිනේ. ඉතින් මාස හතරක් වගේ තමයි එතන ඉන්න පුළුවන් වුනේ. එතන තව
දුරටත් වසන්න බැරි තත්ත්වයක් තමයි ඇතිවුනේ. සිද්ධිය කියන්න බැරි තරමටම අප්රසන්න
එකක්. සමහර විට ඉදිරියේදී ලියවේවි.
Labels:
ජීවන සටහන්,
නොමැකෙන මතක,
බ්ලොග්කරණය
Thursday, August 4, 2011
අනාගත පරිගණකයේ හැඩරුව බලන්න බට්ටා එක්ක 2021 ට යමු... Future Computer - 2011
කොම්පියුටර් කියන එක හරි වේගයෙන් දියුණු
වෙනවා නෙව ! බට්ටා කොම්පීතර අතපත ගාන්න පටන්ගත්තු දවස්වල නම් i-Pad කියලා ජාතියක් ඒවි කියලා කවුද හිතුවේ. ඔය අවුරුදු 10 කට
මෙච්චර වෙනස් වුනා නම් ඉස්සරහට තව අවුරුදු 10 කින් මොනවා වේවිද කියලා බට්ටා
කල්පනාව දාගෙන හිටියා. ඒ කාලේ වෙද්දී නම් බට්ටත් නාකි වෙලා ඉදීවී. ඒ වුනත්
කොම්පීතර ගැජට් නම් හිතා ගන්න බැරි වෙන තරමටම අරුමෝසම් වෙලා තියේවි. 2011 වෙනකොට
මොන මොන කොම්පියුටර් ජිල්මාට් ඇවිත් තියේද කියලා කල්පනා කොර කොර ඉඳලම බට්ටා පොඩි
හීනයක් මැව්වා...! ඕං අහගනිල්ලකෝ ඒනම්...
Labels:
තාක්ෂණික,
පරිගණක,
ප්රබන්ධ,
බට්ටගේ හීන,
සංකල්ප
Tuesday, July 26, 2011
ලොව පුරා ඇති නොවිසඳුනු අභිරහස් වස්තු World mysteries #3
ඔන්න එහෙනම් මේ ලිපි මාලාවේ තුන්වැනි සහ
අවසාන කොටස තමයි මේ... පහුගිය පළමු කොටස සහ දෙවන කොටසට ගොඩාරියක් ප්රතිචාර
තිබුණා. ඇත්තටම කියනවා නම් මේ අන්තිම ටික නම් පළ කරන්නේ ගොඩක් අමාරුවෙන්. ඒ වුනත්
ඉතින් ඔයාලා හැමෝම ගොඩක් උනන්දුවෙන් බලා ඉන්නවා කියලා දන්න නිසා අන්තිම කොටසත්
ඔන්න පුළුවන් තරම් ඉක්මනට දැම්මා... මේ දේවල් දැකලා, කියවලා මට ඇතිවුනු කුතුහලය හා
රසය ඔයාලටත් ලැබුනා නම් මගේ උත්සාහය සාර්ථකයි. මේ අන්තිම ටිකේ තමයි හොඳම දේවල්
තියෙන්නේ. එහෙනම්, ඔන්න හැමෝම ආසාවෙන් බලන් හිටපු... ලෝක අභිරහස්... අවසාන
කොටස...!
Friday, July 22, 2011
ලොව පුරා ඇති නොවිසඳුනු අභිරහස් වස්තු World mysteries #2
ඉතින් ඔන්න පොරොන්දු වුන විදියටම පහුගිය ලිපියේ ඉතුරු ටික අරගෙන ආවා. දවසක් ප්රමාද වුනා... සමාවෙන්න ඕනෙ. පහුගිය ලිපිය
පළකරන කොට නම් මේ තරම් කට්ටිය කැමති වෙයි කියලා හිතුනේ නෑ. දැන් බලන් ගියාම මටත්
වඩා paranormal ගැන උනන්දු කට්ටිය ඉන්නවනේ...! ඉතින්
මේ තොරතුරු ටික හොයාගෙන, පිළිවෙල කරගෙන, කොටාගෙන මේකෙ පළ කරන්න ඔයාලා දෙන සපෝට්
එකට හද පතුලෙන්ම ස්තුතියි කියන්න ඕනේ. පින්තූර නිසා ලෝඩ් වෙන්න ටිකක් ප්රමාද
වෙයි. අඩුපාඩුවක් මොනව හරි තියේ නම් කියන්නකෝ. ඔන්න එහෙනම් යමු... ලෝක අභිරහස්...
අංක... 2 !!!
Tuesday, July 19, 2011
ලොව පුරා ඇති නොවිසිඳුනු අභිරහස් වස්තු - World Mysteries
ලෝකේ දියුණුයි... විද්යාවෙන් හැම දෙයක්ම විසඳන්න පුළුවන්... ඕනෙම ප්රශ්නෙකට තාක්ෂණේ උත්තර දෙනවා කියලා හිතාගෙන හිටියට මොකද, මෙච්චර දියුණුයි කියන නූතන මානවයටත් විසඳගන්න බැරි ගැටළු... ලෙහා ගන්න බැරි අවුල්... අගක් මුලක් හොයාගන්නවත් නැති අවස්ථාවන් නම් මේ ලෝකයේ අනන්තයි... අප්රමාණයි. මේ ලිපියේ ඡායාරූප එක්ක ඉදිරිපත් කරලා තියෙන වස්තුන් සියල්ලම පැහැදිලි කිරීමක් කරන්න බැරි තරමේ අරුම පුදුම අද්භූත දේවල්. මේවා කොහෙන් ආවද ? කොහොම හැදුවද ? මොකට හැදුවද ? කියන එක තමයි ප්රශ්නේ... එනම් බලලම කියවන්නකෝ... මේ තමා ලෝක අභිරහස්...!!!
Saturday, July 16, 2011
කෙස් ගස් උඩත් දුවන - කෙස් ගහට නිවැරදි මවුසය
මුලින්ම මවුස් එකක් අල්ලපු දවස මතකද ?
නුහුරුවට අතින් අල්ලගෙන... හෙමින් හෙමින් එහෙට මෙහෙට වැනි වැනි... කර්සර් එක තිරේ
පුරා නට නට දිව්ව හැටි මතකද ? අපි ඉගෙන ගන්න කාලේ තිබුනේ පරණ තාලේ trackball
mouse. දැන් නම් ඒවා නැත්තටම නෑ වගේ. (මම නම් තාම පාවිච්චි
කරන්නේ ඒකක්...!) ඊට පස්සේ ඔය යාන්ත්රික වැඩකෑලි නැතුව ආලෝක වෙනස්කම් වලට දුවන optical
mouse ආවා. මේ ජාතියේ මවුස් කලින් ඒවට වඩා නිවැරදිව හසුරවන්න
පුළුවන්. අනික trackball mouse වලට වගේ මවුස්
පෑඩ් ඕනෙත් නෑනෙ. ඕනෙම සමතල මතුපිටක දුවනවා - වීදුරු ඇර... දැන් මෙයාටත් වඩා හොඳට
දුවන smart mouse එකක් A4 Tech සමාගමෙන් හඳුන්වා දීලා. මේ අළුත් මවුස් එකේ විශේෂත්වය
තමා මෙයාට ඕනෙම මතුපිටක දුවන්න තියෙන හැකියාව...
Saturday, July 9, 2011
බ්රවුසරයේ මුල් පිටුවෙන් අළුත්ම පෝස්ට් බලන්න - iGoogle Home page
Google
සේවාවක් වන iGoogle
ගැන අහලා තියෙනවද ? මේ සේවාව ගොඩ දෙනෙක් භාවිත නොකලාට ගොඩක් ප්රයෝජනවත් සේවාවක්.
iGoogle වලින් කරන්නේ අපේ බ්රවුසරයේ මුල්පිටුව (Home Page) අපට අවශ්ය
ආකාරයට සකසා ගන්නට ඉඩ සලසා දීමයි. iGoogle වලින් ලබාදෙන
මේ මුල්පිටුව අපේ Gmail ගිණුමේ අළුත්
ලිපි, නවතම කාලගුණ තොරතුරු, නවතම පුවත් ශීර්ෂ, අපි කියවන බ්ලොග් හෝ වෙබ් අඩවි වල
අළුත්ම ලිපි හා තවත් නොයෙක් ගැජට් වලින් අපට අවශ්ය ආකාරයකට සකසා ගන්නට පුළුවන්. මේ
සේවාව දැනටමත් අත්විඳින අයත් ඇති. නොදන්නා අයටත් මේ ලිපිය මගින් iGoogle සේවාවේ ප්රයෝජන ලබාගන්න පුලුවන්...
Labels:
අන්තර්ජාලය,
උදව් ලිපි,
බ්ලොග්කරණය
Tuesday, July 5, 2011
Thursday, June 30, 2011
දෙවැනි විවාහ සංවත්සරය, 2 x 5 = 10000 සහ ස්තුතිය !!!
අද ජුනි මාසේ 30 වැනිදා... මේ මාසේ අන්තිම දවස... ඒ වගේම අවුරුද්දක පළමු අර්ධයේ අවසාන දවස... ! ඒ වුනත්, අද... ජුනි 30 කියන්නේ මගේ ජීවිතේ නම් පටන්ගත්ත දවස. ඔව්... හරියටම මීට අවුරුදු 2 කට කලින් මම මගේ චූටි නෝනිත් එක්ක ජීවිතේ පටන් ගත්තා. තනියෙන් ගත කරපු ජීවිෙත් දෙන්නා එක්ක බෙදා ගත්තා. දැන් අවුරුදු දෙකක්ම ඇවිත්...! අවුරුදු දෙකක් පවුල් කනවා කියන්නේ ඉතින් ආයි ලේසි පහසු වැඩක් නම් නෙවේ. ඔය බැඳපු උන්දැලැ නම් දන්නවා ඇතිනේ. නොබැඳපු උන් ඉතින් බැඳලම වටහාගනිල්ලකො...
Labels:
ජීවන සටහන්,
නොමැකෙන මතක
Friday, June 24, 2011
පොඩි එකාට මාස පහයි...! එන්න... ඇවිදින් අත දෙන්න...
මේක දැකලා අහක බලාගෙන යන්න නම් එපා ඕං... ඔයාලගේ උදව් අවශ්ය වෙලාවකයි මේ ලියන්නේ. ඉතින් පොඩ්ඩක් මේ පැත්තේ ඇවිත් විනාඩි පහක් කියවලා පොඩි සහයෝගයක් දෙන්න අප්පා.
මාස 5 ක පොඩි එකෙක්... හුර...තල් වයස නේද ? මේ මොන විකාරයක්ද ? ඇයි අප්පා බලන්නකෝ පොඩ්ඩක් කැරකිලා...ඔය ඉන්නේ ලස්සනට නිල් පාටට ඇඳගෙන... චූටි කොලු පැටියා. කොහොමද ? මගේ කොල්ලා ලස්සනට ඉන්නවා නේද ?
Labels:
ජීවන සටහන්,
බ්ලොග්කරණය
Friday, June 17, 2011
Intel සමාගමේ වැඩ පාන අසල්වැසි ඉන්දියානුවා - Ajay Bhatt | අජේ බාත්
අප වර්තමානයේ භාවිතා කරන පරිගණකය, නැතහොත් පරිගණක තාක්ෂණය යනු එක් පුද්ගලයෙක් හෝ එක් සමාගමක් මගින් දියුණු කරන ලද දෙයක් නොවේ. පරිගණකය අද පවතින තත්ත්වයට දියුණු කිරීම සඳහා ශ්රමයෙන් මෙන්ම සිය නුවණින් ද බොහෝ දෙනෙක් දායක වී ඇත. පරිගණක තාක්ෂණය වැඩි දියුණු කිරීම සඳහා සිය දායකත්වය සපයමින් පරිගණක ක්ෂේත්රය තුල වැදගත් මෙන්ම විප්ලවීය සොයාගැනීම් කිහිපයකම අයිතිකරු වූ එවැනි සුවිශේෂී පුද්ගලයෙක් පිළිබඳවයි මේ සටහන...
Labels:
චරිත කථා,
තාක්ෂණික,
විද්යාත්මක
Tuesday, June 14, 2011
ඉන්න තැන පෙන්නන්න - Google Maps බ්ලොගයට දාගන්න
හිතුන හිතුන වෙලාවට ලෝකෙ වටේ ඕනෙ තැනක යන්න එන්න තරම් ඉතින් අපිට පිනක් කොයින්ද නේද ? ඒත් ඉතින් හැබැහින් නොවුනත් ලෝකෙ වටේ යන්න නම් ඕනෙ තරම් ක්රම තියෙනවා නොවැ. කොම්පියුටරේ ඉස්සරහ වාඩි වෙලා Google Maps දාගත්තම ලෝකෙ ඕනෑම තැනක ඇවිදින්න පුළුවන්. Google Maps සේවාවෙන් ලෝකෙ පුරා කීදෙනෙක් නම් වැඩ ගන්නවද... මේ සේවාවන් නිසා අන්තර්ජාලය ඇතුලේ දැන් වෙනම Map culture එකක් ඇතිවෙලා. ඒ තමයි තමන් ඉන්න තැන පෙන්නන්න Maps යොදා ගැනීම. Google Maps භාවිතා කරලා ඕනෙම කෙනෙකුට ඉතාමත් පහසුවෙන් තමන්ගේ බ්ලොගේට / වෙබ් එකට Map එකක් දාගන්න පුළුවන්...
Labels:
අන්තර්ජාලය,
උදව් ලිපි,
බ්ලොග්කරණය
Sunday, June 12, 2011
සිංහලෙන් සොයන්න... SSE (Sinhala Search Engine)
සිංහලෙන් හොයන්න තරම් දෙයක් අන්තර්ජාලයේ නෑ කියල කෙනෙක්ට හිතෙන්න පුළුවන්. ලෝකයේ අනෙක් රටවල් එක්ක සංසන්දනාත්මකව බලන කොට ලංකාවේ අපේ සිංහල බ්ලොග් අඩවි / වෙබ් අඩවි ප්රමාණාත්මකව අඩු වුනත් අපේ සිංහල පරිශීලකයන් ප්රමාණයත් එක්ක බලනකොට නම් දැවැන්ත සිංහල අන්තර්ගතයක් දැන් අන්තර්ජාලය තුල විසිරිලා තියෙනවා. මේ දැවැන්ත සිංහල තොරතුරු සම්භාරයෙන් වැඩක් ගන්න නම්, මේ තොරතුරු පිළිවෙලකට තිබුනා නම් හොඳයි නේද කියලා මට හිතුනා. මම මේ ගැන ලියන්න හිතේ තියාගෙන ඉන්දැද්දී තමයි යසන්ත මල්ලියා ලංකාවේ සින්ඩි ගැන post එකක් දාලා තිබුනේ. ඒකට කෙලින්ම සම්බන්ධයක් නැතත්, යම් විදියක සම්බන්ධයක් තියෙයි කියලා හිතෙනව නම් නොබලපු කෙනෙක් ඉන්නව නම ඒ පැත්තේ ගිහින් ඒ ලිපිය බලලා ආවත් කමක් නෑ...
Labels:
අන්තර්ජාලය,
කාලීන,
සංකල්ප,
සිංහල
Wednesday, June 1, 2011
Thursday, May 19, 2011
දිලුම් අයියේ... නිවන් දකින්නට කලින් ආයෙත් වරෙන්...
හරියටම මීට අවුරුදු 8 කට කලින්, මැයි මාසෙම 21 වැනිදා මගේ අයියා මේ ලෝකෙ දාලා ගියා... එදා දැනුනු විදියටම අදත්... මේ දැනුත් සහෝදර කැක්කුමකින් පපුව පිච්චිලා ගියා... දිලුම් අය්යේ... උඹත්... මැයි මාසෙම යන්න ගිහින්... කවදාවත් නොදැක්කත්, හමු නොවුනත්, හැබහින් වචනයක් කථා නොකලත් ඔයාගේ පොස්ට් එක දැකපු දවසේ ඉඳලා ඔයාගේ උදව්වට බැනර් එකක් මගේ බ්ලොග් එකෙත් එල්ලුවා. ඒ හරියටම මගේ බ්ලොග් එක පටන් අරන් දවස් 2 කින්... දැන් ... අද... මගේම අයියා නැතිවුනු දවසට දවස් 2 කට කලින් දිලුම් අයියා අපිව දාලා ගිහින්... !!!
Labels:
අමතක නොවෙන සිදුවීම්,
නොමැකෙන මතක
Monday, May 16, 2011
බට්ටාගේ විකාරරූපී ඒලියන් සිහිනය #3
හොඳයි... එහෙනම්... දෙයියනේ කියලා බට්ටගේ හීනේ ඉවර කොරන්නයි යන්නේ !!! අද මේ පළ වෙන්නේ 3 වැනි සහ අවසාන කොටස. මීට කලින් කියපු 1කොටස හා 2 කොටස කියෙව්වේ නැත්නම් හොඳ ළමයි වගේ දැන්මම ගිහින් කියවලා එන්න. මතක ඇතිව මේ කොටස් තුනම කියවලා බට්ටගේ හීනෙ බැලුව නම් මොකද හිතෙන්නේ කියලා පොඩ්ඩක් කියලා යන්නකෝ...
බට්ටා කලින් කියපු ඔක්කොම කතන්දර ටික, ඒ කියන්නේ මිනිසාගේ පහළවීමේ ඉඳන් වර්තමානය දක්වා අවුරුදු තුන් ලක්ෂයක සිද්ධි ටික විනාඩි ගානක කෙටි චිත්රපටයක් වගේ ගිහින් ඉවර වුනා. දැන් බට්ටට පේන්නේ අනාගතය... අතීත සිද්ධි ටික වර්තමානයට ඇවිත් දැන් අනාගතයට යනවා.
“ඒ ගොල්ලෝ එනවා...!!! අපි සූදානම් වෙන්න ඕනෙ...”
“හොඳයි... ප්රති ගුරුත්ව මෙවලම ක්රියාත්මක කරන්න.,
“අපට තියෙන්නේ සීමිත කාලයක්... නිවරද්යතාවය හරියටම තබාගත යුතුයි...”
“ඔව්... අපිට පෘථිවිය විනාශ වෙන්න දෙන්න බෑ... මේක සෑහෙන්න වැදගත් දෙයක්...”
ලූනික් යානය අවුරුදු ලක්ෂ 02 කටත් වැඩි කාලයක් අක්රියව පෘථිවිය වටා කක්ෂගතව පැවතිනි. නමුත් දැන් එයට සක්රිය වන්නට කාලයයි. මේ එළෙඹී ඇත්තේ පෘථිවිය මත ජීවයේ තීරණාත්මක අවස්ථාවයි. විශ්වය මත ඇති නොයෙකුත් ශිෂ්ඨාචාර අතරින් නිබ්රුවරුන් ට විරුද්ධ බලවේගයක් ඇවිත්. ඔවුන්ට අවශ්යව ඇත්තේ නිබ්රුවරුන් ගොඩනැගූ ලෝකයක් වන පෘථිවිය මල ලෝකයක් බවට පත් කරන්නටයි. ඔවුන්ගේ වෑයම පෘථිවිය තව තවත් සූර්යයා දෙසට ලං කිරීමයි. දැනටමත් (මේ වන කොට ගෙවෙන්නේ වර්ෂ 2342 යි) පෘථිවිය මත උෂ්ණත්වය දැරිය නොහැකි තරමට වැඩි වෙලා. ඒ පෘථීවිය මත පසුගිය කාලයේ ඇතිවුනු ලෝක යුද්ධ හා වෙනත් ආපදාවන් හේතුවෙන්. මනුෂ්යයන් දැනටමත් වාසය කලේ පොළොව යට ඇති භූගත පාතාල නගරවලයි. මේ විරුද්ධ සක්වලයින්ගේ උත්සාහය වන්නේ පෘථිවිය තව තවත් සූර්යයාට ලං කරවා එහි උෂ්ණත්වය තවත් වැඩි කරවීමයි.
නිබ්රු වරුන් ලූනික් යානයේ සිට ක්රියාත්මක වුනා. පෘථිවිය මත රාත්රී කාලය ගත කරන පෘථිවි වාසීන්ට නම් හොඳ දර්ශණයක් දකින්නට තිබිණි. නමුත් ඉතිරි වී සිටි පෘථිවි වාසීන් සියළු දෙනාම පොළොව යට නිසා හඳ ඇවිදින ආකාරය ඔවුන්ට බලන්න ලැබුනේ නෑ. අනෙක් කාරණය තමයි නිබ්රු වරුන් හා ලූනික් යානය ගැන පෘථිවිය මේ වෙන කොටත් දැනගෙනයි හිටියේ...
විරුද්ධ සක්වලයන්ගේ ගුරුත්ව බල ක්ෂේත්රය ක්රියාත්මක කරනු ලැබුවා. දැන් පෘථිවිය සිය ස්ථාවර කක්ෂයෙන් මිදී සෙමෙන් සෙමෙන් සූර්යයා දෙසට ඇදේ. ලූනික් යානාව විරුද්ධ සක්වල යානාව අසලට ඇදුනා. ලූනික් යානයේ ප්රති ගුරුත්ව මෙවලම ක්රියාත්මක වුනා. දැන් යානා දෙක අතර ගුරුත්ව බල යුද්ධයක්...!!! පෘථිවි පාලක විද්යාඥයින් මේ සංසිද්ධිය බලාගෙන හිටියත් මේ සඳහා මැදිහත් වෙන්න බැරි තරමටම මේ බලය වැඩියි. ඒක නිසා ඔවුන්ටත් බලාගෙන සිටීම හැර වෙන කරන්න දෙයක් තිබුනේ නෑ.
අවසානයේ නිබ්රුවරුන්ට ජය හිමිවුනු අතර විරුද්ධ සක්වල යානාව විනාශ කරනු ලැබිණි. ඒ දැවැන්ත කම්පනයෙන් පෘථිවි තලය දෙදරා ගිය අතර පාතාල නගර දෙක තුනකට සුළු හානි සිදු විනි. නමුත්... වැදගත් ම දේ... මෙච්චර කාලයක්, අවුරුදු ලක්ෂ 02 කටත් වැඩි කාලයක් තිස්සේ පෘථිවියේ පාළු මකපු, රාත්රියේ අඳුර කැපූ සඳ - නිබ්රු වරුන්ගේ ලූනික් යානය දැන්... අතිශය තීරණාත්මක මොහොතක් ලඟ...
මෙතරම් කාලයක් නිබ්රුවරුන් අපේක්ෂාවෙන් සිටි මොහොත එළෙඹුනා. තමන් අතින් හදා වඩා දියුණුවට පත්කළ මනුෂ්ය වර්ගයාත්, පෘථිවි තලයත් විනාශයට පත් වනු බලා සිටිය නොහැකියි. සිදුවන දැවැන්ත උෂ්ණත්ව වෙනසත් සමග මනුෂ්ය වර්ගයාගේ අනාගත පැවැත්ම අවිනිශ්චිතයි. ඉතින් කළ යුත්තේ පෘථිවිය මත උෂ්ණත්වය ජීවය පැවතිය හැකි මට්ටමකට පත් කිරීමටයි. මේ එයට වාරයයි...
මෙතෙක් කලක් පෘථිවියේ කටයුතු වලට සෘජුවම මැදිහත් නොවී සිටියත් පෘථිවි වාසීන්ගේ දියුණුව හා පැවැත්ම වෙනුවෙන් නිබ්රුවරුන් විශාල වැඩ කොටසක් සිදුකලා. ප්රසිද්ධියේ පෘථිවි වාසීන් හට නිරාවරණය වූ මේ මොහොතේ ලූනික් යානයට හා නිබ්රුවරුන්ට පැවරී තිබුනේ ෛඑතිහාසික කාර්යයකි. ඒ පෘථීවිය දැනට රැඳී ඇති අස්ථාවර කක්ෂයෙන් එපිටට රැගෙන ගොස් පෘථීවිය සූර්යයාගෙන් ඈත් කොට වඩාත් අඟහරු දෙසට ලං කිරීමයි. එමගින් පෘථිවියේ උෂ්ණත්වය පාලනය කිරීමයි.
ඉතින්... ලූනික් යානය තම උපරිම බලයෙන් ක්රියාත්මක වුනා. පෘථීවිය වෙත සිය ගුරුත්ව බලය විහිදුවා එමගින් පෘථීවිය සූර්යයාගෙන් තවත් ඈත් කෙරුන අතර එමගින් පෘථිවිය මත ජීවය මත ජීවය සුරක්ෂිත කෙරිනි. දශක ගණනාවක් තිස්සේ තිබුණු පරිසර උෂ්ණත්වය අංශක 16 ක් දක්වා පහත වැටුනි. පාතාල නගරයන්හි උෂ්ණත්වය අඩු මට්ටමක් දක්වා පාලනය කර තිබුණු නිසා පෘථිවි තලය මත දැන් පවතින උෂ්ණත්වයත් පාතාල නගරයන් හි පැවති උෂ්ණත්වයත් එක මට්ටමක පැවතිනි. ඒ නිසා පෘථිවි වාසීන්ට පාතාල නගරයන්ගෙන් මිදී නැවතත් පෘථිවි තලය මත ජීවිතයට හුරුවීමට අපහසු නොවනු ඇති.
අතීතයේ නිල්ල පිරී පැවති සහරා ප්රදේශය මිනිසෙකුට දැකීමට පවා බිය උපදවන තරමේ කාන්තාරයක් බවට පත් කෙරුනේ නිබ්රුවරුන්ගේ සැලසුම් වල ප්රතිඵල ලෙසිනි. විශ්වය ජය ගැනීමට අවශ්ය වන සියළුම දැනුම දැවැන්ත සහරා කතර මැද සැඟව පැවතිනි. දැන් නිබ්රුවරුන් පෘථිවිය හා සම්බන්ධ වන අවසන් අවස්ථාවයි. සහරා කතර මැද ඇති නිබ්රුවරුන්ගේ තාක්ෂණාගාරය මගින් ඉදිරි දිනෙක පෘථිවි වාසී මනුෂ්ය වර්ගයා නිබ්රු ලෝකය වෙත ගමන් කරන තුරු පෘථිවිය හා නිබ්රු අතර නැවත සම්බන්ධයක් නොපවතිනු ඇත. සහරාහි තාක්ෂණාගාරය මුළු සහරා කතර පුරාම පැතිරී ඇති දැවැන්ත පර්යේෂණාගාරයකි. පෘථීවිය සිය නව කක්ෂයේ ස්ථාන ගත වීම සමග සහරා තාක්ෂණාගාරයද ලොවට විවර විනි. පෘථිවිය මත අළුත් කථාවක් මෙතැන් සිට ලියැවෙනු ඇති...
ලූනික් යානය සිය ෛඑතිහාසික සංචාරය නිමාවට පත් කරමින් සිටියාය. ගුරුත්ව බල ක්ෂේත්රය සඳහා බලය යෙදවීමෙන් එහි ශක්ති ප්රභවයන් දැවැන්ත ලෙස ක්ෂය වී ගොසිනි. එසේම නැවතත් නිවැරදි කළ නොහැකි තරම් දරුණු ලෙස මුළු යානාවේම ස්ථායිතාව බිඳ වැටී ගොස් තිබිණි. ක්රම ක්රමයෙන් පෘථිවියෙන් ඈත් වී යන ලූනික් යානාව... පෘථිවි වාසීන්ගේ සඳ... සදහටම පෘථිවියෙන් සමු ගත්තාය...!!!
කාලගුණයේ සිදු වී ඇති විපර්යාසය ගැන පෘථිවි විද්යාඥයින් විමර්ෂණය කරමින් වුන්හ. අළුත් පෘථිවියේ අනාගතය ගැන සෑම තැන්හිම අළුත් බලාපොරොත්තු ඇතිවී තිබිණි. නමුත් ශිෂ්ඨාචාරයෙන් ශිෂ්ඨාචාරයට මිනිස් වර්ගයා සමග ළඟින් සිට පෘථීවියට තනි රැක්ක ගමන් සගයා වූ පෘථීවියේ එකම චන්ද්රයා සදහටම අහිමි වී ඇති බව පෘථිවි වාසීන් දැන ගන්නා විට...???
“අද යන්නැද්ද... පරක්කු වෙනවා නේද ???” නෝනිගේ කෑගැහිල්ලත් සමග බට්ටාගේ film එක එක පාරටම නැවතුනා.
දනිපනි ගාලා බට්ටා ඇඳෙන් නැගිටලා එළියට දිව්වේ හඳ තියෙනවද බලන්නයි...
කෝ බලන්න... ඇත්තටම හඳ තියෙනවද කියලා...!!!
- අවසානයි -
මෙම ලිපි පෙළ අන්තර්ජාලයේ නොයෙකුත් අඩවි වල වූ තොරතුරු ඇසුරින් සකස් කරන ලද කතෘ නිර්මාණයකි. මෙහි එන සියළුම රූ සටහන් Google Image Search වෙතින් ලබාගත් ඒවා වන අතර එහි සියළු අයිතිය ඒවායේ මුල් හිමිකරුවන් සතුවේ.
Labels:
ඒලියන්,
ප්රබන්ධ,
බට්ටගේ හීන,
විද්යාත්මක